Denaj: Mbështetje të drejtpërdrejtë për 207 mijë ferma blegtorale dhe shërbim veterinar falas
12
FebDenaj: Mbështetje të drejtpërdrejtë për 207 mijë ferma blegtorale dhe shërbim veterinar falas
Forcimi i zinxhirit të vlerave të qumështit ishte pjesë e diskutimit me ekspertët e FAO-s, profesorët e Universiteti Bujqësor të Tiranës UBT, përfaqësues nga shoqata të blegtorisë, partnerët ndërkombëtarë të zhvillimit dhe strukturat tona të veterinarisë dhe sigurisë ushqimore.
Ministrja e Bujqësisë dhe Zhvillimit Rural, Anila Denaj bëri të ditur sot se do të vijojë mbështetja për sektorin e blegtorisë dhe nënproduktet e tij me financim të drejtpërdrejtë për 207 mijë ferma blegtorale në vend dhe shërbim veterinar falas.
Përmes bashkimit të operatorëve dhe rritjes së mbështetjes direkte synojmë të rrisim përmirësimin e teknikave blegtorale, duke garantuar rritjen e standardeve dhe të vlerës. Nuk ia dalim të jemi konkurrues me ferma të vogla. Duhet të bashkojmë interesat e blegtorëve dhe protokollin e njëjtë në trajtim, për cilësi të garantuar të lëndës së parë, tha ajo.
Formalizimi dhe respektimi i kontratave, vuri në dukje ministrja, është një tjetër cështje në funksion të zhvillimit të blegtorisë. Nevoja për të lidhur interesat e përpunuesit me blegtorin në një zinxhir të fortë është fokus i politikave të qeverisë.
